Ullumi Royal Greenland-ip nuannaarutigalugu Toke Binzer suliffeqarfimmi pisortaanertut nutaatut sulilerngaartoq tikilluaqquaa. 
 
-Royal Greenland nunatsinni suliffeqarfiit annersaralugulu sunniuteqarnersaraat. Royal Greenland ingerlalluarpat, nunarput ingerlalluassaaq, aamma killormut. Akisussaafferujussuuvoq qulakkiissallugu suliffeqarfittut nunatta aningaasaqarnerata ilarujussua qulakkeernissaa. Sulisut sinneri peqatigalugit suliassap akisussaaffiullu kivinnissaa qilanaaraara- nunatsinni nunarsuullu sinnerani. - Toke oqarpoq. 

Toke Binzer nunatsinni suliffeqarfinni ilisimaneqareerpoq, nunatsinnilu nukittuumik inissisimaffeqarluni, tamatumalu inuiaqatigiinnut Royal Greenland-imullu pingaaruteqarpoq. Taassuma saniatigut nunarsuaq tamakkerlugu suliffeqarfinnik ingerlatsinermik ilisimasaqarluareerpoq, soorlu IBM-mi aamma TDC-mi misilittagaqartoq. 
Nunarsuaq tamakkerlugu sulinermik misilittagaqarnera najukkaminilu ilisimasaqarluarnini pissutigalugit Royal Greenland-ip nunarsuarmi niuerfimmi siuttuulluni inuiaqatigiinnullu qitiusutut ingerlatsineranut immikkut tulluartuuvoq, taamaoqarpoq Royal Greenlandip siulersuisuini siulittaasoq Niels Thomsen. 

-Nassuiaavorlu Toke periusissiornermut, ingerlatsinermut inunnullu tunngatillugu misilittagaqarluartoq. Misilittagaq tamanna Royal Greenlandip ineriartortinneqarnerani iluaqutaassaaq. Tamakkiisumik isiginnittaaseqarluarpoq inuillu sut tamaasa ingerlatitseqqissinnaanngortittarlugi, tamannalu suliffeqarfimmi uagutsitut ittumi pingaaruteqarpoq, nunani assigiinngitsuneersuugatta kulturikkullu assigiinngitsorpassuarnik tunuliaqutaqaratta. 

Qaammatini tulliuttuni Tokep Royal Greenlandip allaffii assigiinngitsut tikeraassavai sulisut naapillugit sulerinerilu paasisaqarfiginiarlugit.