Suliniut ersarissumik inuiaqatigiit akornganni akisussaaqatigiilluni kivitseqatigiinnermik aammalu nunatsinnilu inuiaqatigiinnut peqataalluta akulerusimanitsinnik ersarissumik takussutissaavoq. Royal Greenland-ip inuiaqatigiinnut akisussaaqataanissani pingaartitaraa – isumaqarpugullu iliuuseqarneq namminermiik aallaaveqartuusoq. Taamaattumik tulluusimaarutigaarput ataasiussuseq, avatangiisit aammalu suminngaanneerfiit tulluusimaarutigalugit qitiutillugillu saqqummiunnissaat. Nunaqarfinga kusanartoq aallaavigalugu nunaqarfinni innuttaasut isumassarsiortillugit avatangiisitik nalunngilluinnakkatik pigalugit paaralugillu takutissagaat aammalu ulluinnarni ersarissumik takujuminartumillu pitsanngorsaaneq ersarinnerulernissaa anguneqarnissaanut tapersersuilluta. 

Nunaqarfiit 17-it peqataasut

Nunaqarfiit 15-it sinnerlugit 2025-mi suliniummut peqataalereersimapput ilimagaarpullu 31. juli nallertinnagu arlallit peqataanissaminnut allatsereersimassasut. Nunaqarfiit tamaasa kaammattorpavut peqataaqqullugit- ilami anikitsunnguamilluunniit peqataaneq annertuumik malunniutaasarmat. 

Suliniut paasinninnermik angusaqarusussusermillu siunertalik.

Suliniutip siunertaraa Kalaallit Nunaanni nunaqarfiit tamarmik peqataanissaminnut periarfissaqarnissaat. Ilisimaffaaripparpullu tamatigut nunaqarfiit tamakkiivillutik peqataanissaat periarfissaaneq ajormat – tamannalu paasilluinnaqqissaarparput. Tamannali eqeersimaarluta akuliusimanerput allanngortinngilaa: siunissami suliniutip ingerlatiinnarnissaa ukkataraarput periarfissallu siammasissumik pitsanngorsarnissai nalimmassarfigalugit eqqumaffigiuarumaarpagut. 

Ataatsimoorneq aammalu nalliuttorsiorneq

Suliniummut atatillugu nunaqarfiit tamarmik peqataasut periarfissinneqarput grillerinissamut nunaqqatitik peqatigalugit eqquisinnaallutik – ataatsimoorluni suliaqarneq akulerusimanerlu nalliuttorsiutigalugit.