Nunatsinni Nuna Tamakkerlugu Ilitsersuisarfik nunatsinni aqqutissarsiuussinermik suliniutinik inerisaanermut naliliinermullu sinaakkusiissussaavoq, ukiullu tamaasa nunatsinni illoqarfiit ilinniarfiusut anginerit tikillugit ilinniarfissanik nittarsaassinissamik aaqqissuussisuusarpoq.

Nittarsaassinermi illoqarfiup innuttaasui meeqqallu atuarfiini atuartut saaffigineqartarput. Nunatsinni suliffeqarfiit sulisortaarisinnaasatik naapinniarlugit suliffeqarfinnilu ataasiakkaani periarfissat suunersut oqaluttuariniarlugit nittarsaassinermut pieqataaniarlutik nalunaarsinnaapput. Suliffeqarfiit peqataasut ilinniakkani assigiinngitsuni suliffimmik misiliinissamik periarfissat nittarsaanniarlugit pilernguttarput.

Ilinniartut minnerpaamik 50 suliffeqarfimmut attuumassuteqartassasut Royal Greenlandimit anguniagaavoq, Ilinniarfissanillu nittarsaassineq inuusuttunik pikkorissunik naapitsinissamut suliffeqarfimmilu Royal Greenlanditut nunani tamalaani immikkoortortalimmi periarfissarpassuit pillugit oqaluttuarnissamut periarfissatsialaavoq.

"Siunissami ilinniartunngoratarsinnaasunik sulisunngoratarsinnaasunillu nunatsinni sumiiffinni assigiinngitsuni oqaloqateqarluartarpugut " Ungaaq Abelsen oqarpoq "illoqarfinni nunaqarfinnilu amerlanerpaani tunisassiorfeqarlutalu tunitsiveqaraluarluta ilinniarfiusinnaasut suliffiusinnaasullu najukkani nunanilu tamalaani neqeroorutigisagut nittarsaalluartussaavagut."