Royal Greenland-ip Kalaallit Nunaata nivissat assamik arsartartui Canadami VM-imut pisartanngorniuuttussanut peqataasussat taperserai
Kalaallit Nunaata assammik arsartartui inuusuttut pikkorissut unammiarlutik aallarpata Royal Greenland-i tapersersuiniarluni piareeqqavoq – aningaasaliisuinnaanngitsutut kisiannili siunissami inuiaqatigiit iluanni nuannaartorineqartussanut eqiingasumik ineriartortitseqataanermi peqataalluni.
Nunat tamalaani inuussutissalerinermut suliffeqarfiulluta kalaallit inuiaqatigiit ilutsinni ileqqutsinniik aallaaveqarluta tulluusimaarutigaarput TAAK- Timersoqatigiiffiit Assammik Arsartartut Kattuffiat aammalu suliaat inuusuttut periarfissai nunarsuarmilu ersarinnerullutik timersornikkut takutitsinissaat tapersissallugit.
Timersornikkut akulerusimanitta takutippaa inuiaqatigiinnut qanitsumik attaveqarnerput aammalu periuutsitigut naleqartitsinerput nunatsinni nunat tamalaanilu.
Kalaallit U19-mi assammik arsartartui nunarsuaq tamakkerlugu pissartanngorniunnermi unammiaqataallutik peqataajartorlutik aallaqqammerput – angalaneq timersorneriinnarmut tunnganngilluinnartoq kisiannili kinaassusermut, ataatsimoornermut minnerunngitsumillu nunarput sinnerlugu nunarsuarmioqatitsinnut takutitsiartornermut aamma tunngasuummat.
Royal Greenland-imi angusaqarluarusussuseq, akisussaaneq aammalu ataatsimoorluni pimoorussinerit naleqartitaraavut ingerlariusitsinnilu taakku nukigalugit- timersornikkut suliffeqarfimmilu ingerlatsinermi pingaartillugit suleriuseqarpugut.
Kalaallit timersornikkut taperserneri siunissamut aamma aningaasaliineruvoq inuiaqatigiinnilu pisunut pingaartitsinikkut pilersaarusiorluarnikkullu takutitsilluarnerulluni.
Nivissat isumassarsiorluarnartumik ataatsimoorlutik nukitsuumillu ataasiussuseqarlutik unammilluarnissaannik kissaappavut.
Kalaallit Nunaat tamakkerluni Royal Greenland-i peqatingalugu illersuivoq!