Royal Greenland Polenimi nutaamik kiffartuussiveqalerpoq: Pitsanngorsaaneq aamma pisisartunik sullissinerup qitiusumik ingerlanneqarnissaata ukkatarinera
Royal Greenlandimit pisisartunik sullissineq qitiusumik ingerlanneqarnissaanut aamma ingerlatsinerup pitsanngorsarnissaanut Polenimi Gdańskimi kiffartuussivimmik nutaamik ammaanikkut pingaarutilimmik alloriartoqarpoq. Angusaq tamanna ineriartortitsinermik patajaallisaanissamut aamma nunarsuarmi tamarmi pisisartunik suleqateqarnermik pitsanngorsaanissamut periusissiatsinnut takutitsivoq.
Ulloq 22. aggusti 2024 Royal Greenland pisortatigoortumik Gdańskimi kiffartuussivimmik nutaamik ammaavoq. Kiffartuussivik, sapaatip akunnerini arlalinni ilaannakoortumik ingerlalereersimasoq kiffartuussinermi atuuffinnik qiusumik ingerlatsinissamut pitsanngorsaanissamullu pingaaruteqassaaq.
Tamatuma sukkanerusumik aamma suli tatiginarnerusumik pisisartunik sullissiinnarnissaq periarfissaatissavaa ilutigalugu nunarsuarmi tamarmi pisisartunut pitsaasunik aaqqiissutinik pilersitsisinnaatissalluta.
Inissisimaffik aaqqissuulluagaq
Gdańskimi inissiineq eqqarsaatigilluagaavoq, suleriaatsigut qitiusumik ingerlanniarlugu aamma sukkanerusumik akissuteqarnissaq assingiissaarnerusumillu pisisartunik sullissinissaq qulakkeerniarlugu.
CEO Susanne Arfelt Rajamand ersarissaavoq kiffartuussivimmut nutaamut illoqarfik taannarpiaq sumiiffissatut toqqarneqarnera aaqqissuussaanikkut iluaqutissaqartoq.
"Gdańsk toqqarparput sulisunik pikkorissunik tunniusimasunillu pissarsisinnaaneq pissutigalugu, aamma illoqarfik umiarsualivittalik aalisakkerisutut qalerualinnillu suliffittut angerlarsimaffigisutut misigiffiginera pissutigalugu. Polen 1.500 sinnerlugit sullissiveqarpoq, Nunatsinniillu siulliunerput nuannaarutigaarput."
Aallartilluarneq
Gabriela Wasilewska-Gawełip, Polenimi Royal Greenlandip kiffartuussiviani pisortaasup kiffartuussivimmit nutaamit angusat pitsaasut takuneqarsinnaasut takusinnaavaa.
"Upperilluinnarpara, Trójmiastomi allaffitta nunarsuarmi tamarmi pisisartutsinnut kiffartuussinerit pitsaassusaat pitsanngortissagai.
Juulimilu ammarnerata kingorna Gdańskimi Royal Greenland European Shared Services Centerimi sulisut nutaat suliassanut suliarinninnissaminnut piumassuseqarluarput sullarillutillu."
Gabriela Wasilewska-Gaweł
Europami sumi tamaani Royal Greenlandip aaqqissuussineratigut annertuumik iliuuseqarneq iluaqutigalugu tunniussineq pivoq.
Ineriartortitsinissamut periusissiatta ilaa pingaarutilik
Gdańskimi kiffartuussivimmik ammaaneq Royal Greenlandip siunissami ungasissumi siuariartornissamut aamma ineriartortitsinissamut pilersaautaani pingaaruteqartuuvoq. Kiffartuussivik nutaaq, pisisartut pisariaqartitaasa aamma ilutigalugu europami nunarsuarmilu tamarmi niuerfinni inissisimanarput patajaallisarniarlugu naatsorsuutigisatta naammassisinnaanissaannut pingaaruteqarpoq. Ilutigalugu ingerlatsinitsinnut pitsaanngorsaaqataassaaq patajaatsumillu pisisartunik kiffartuussinissaq qulakkiissallugu.