Royal Greenlandimit Amerikami avannarlerni pisortaanermik toqqaasoqassaaq
Saattussanut tunngatillugu suliffissuaqarnermut ilisimasalik Joanne Gibbons, USA-mi aamma Canadami siuarsaanermut siuttunngortinneqarpoq.
2018-imi Royal Greenland USA-mi Boston, Massachusetts-imi tuniniaanermut allaffimmik pilersitsivoq. Niuerfimmilu ukiut siulliit angusat patajaatsut tunngavigalugit, massakkut ingammik saattussanut tunngasut annertusarneqassasut aalajangerneqarpoq, kisianni Amerikami avannarlerni niuerfinni annertuumik ujartorneqartartut aalisakkat qaleruallillu akisunerusut allat.
Royal Greenlandimit siusinnerusukkut Snow Crab Category Manager Joanne Gibbons tuniniaanermut nittarsaassinermullu niuernermi suliaqarfinnut aqutsisussanngorlugu qaffasinnerusumik atorfinitsinneqarpoq.
Gibbons 2020-mi Royal Greenlandimi sulilerpoq nunarsuamilu tamarmi aalisakkanik qalerualinnillu suliffeqarfinnik soorlu Fishery Products aamma Ocean Choice Internationalitut ittuni tuniniaanermi, nioqqusiornermi immikkoortiterinermilu aqutsinermi ukiuni 20-anit amerlanerusunik misilittagaqarluni.
Gibbonsimik toqqaaneq Royal Greenlandimut pisisartunut niuernermi ilisimasanik pisisartunut, aalisakkanik qalerualinnillu nioqqutinik, nutaanik qerisunillu, saattuanik saattuarsuarnillu, peqqussuarnik, issittup imaani kinguppannik, havbarinik Chilimeersunik, oquutaasaq nunatsinneersoq aamma atlatikup imartaaneersoq saarullinnik pitsaasunik ujartuisunut patajaallisaasumik matussusiissaaq.
Gruppe Amerikami avannarlermi niuerfik eqqarsatigalugu isumalluarpoq, isumaqartoqarporlu Gibbonsip ilisimasai Royal Greenlandip niuerfimmi tassani sullitaanut tamanut pigisanik tuniniaanissaanut amerlisaanissamut aamma annertusaanissamut pingaaruteqartuussaaq.