Kilisaatini imarsiornermi isumannaallisaaneq
Royal Greenlandip kilisaataataani avataasiortuni inuttat paarlaanneri tamaasa imarsiornermut isumannaallisaaneq pillugu sungiusartoqartarpoq.
Inuttat tamarmik sungiusarnerni sillimaniarnermut tunngasunik assigiinngitsunik sungiusartinneqartarput, soorlu immamut nakkartoqassagaluarpat, angallammiit qimangutsitsineq aamma ikuallattoqartillugu isumagisassat. Angallammit qimarngutsitsinermut sungiusarneq tassaavoq assersuutigalugu angallat ajoquserujussuarsimasoq angallammi kalerrisaarut aallartissagaluarpat qimarngutsitsineq. Ikuallattoqartillugu isumagisassat pillugit sungiusarneq tassaavoq angallammi ikuallattoqalissagaluarpat inuttat sumi inissisimallutillu sunik akisussaaffeqarnissaat pillugu sungiusarneq.
Inuttanik paarlaattoqannginnerani, kilisaallu avalaqqitsinnagu tullissaani avalannissamut atuuttumik sillimaniarneq pillugu suleqatigiissitanik toqqaasoqartarpoq.
Sillimaniarneq pillugu suleqatigiissitat suliaqarfinniit tamaneersusarput, soorlu
- Naalagaq suleqatigiissitanullu siulittaasoq
- Aquttoq
- Qalulerisoq
- Tunisassiorfimmi ingerlatsisut
- Igasoq
- Mistali
- Aalisartut qaamiut
Suleqatigiissitat ataavartumik ataatsimiittaramik avalaqqanerit tamaasa ajoqusernerit pisullu kiisalu ajutuungajannerit suliaralugillu isumannaallisaaneq pitsanngorsarniarlugu suliniuteqarnissamik aallaaveqarlutik nalunaarusiorlutik takussutissiortarput.
Isumannaallisaanermut suleqatigiissitat ataatsimiinnerinit imaqarniliat nalunaarusiallu Søfartsstyrelsenip ileqquusumik kilisaammut ikillutik nakkutilliiartornerminni atuartarpaat.
Suliffimmi pitsaasunik atugaqartitaaneq
Avatangiisitigut aqutsineq sullivimmi avatangiisinut aqutsinertalik pilersikkusupparput, timikkut aamma tarnikkut sullivimmi avatangiisinut aamma sulisut tamarmik ajunngitsuunissaannut illersuisoq. Immitsinnut piumasaqaateqartarnitsitut pilersuisugut assigiimmik piumasaqaateqarfigisarpagut.