Royal Greenland ulloq 15. maj 2025 ukiumoortumik ataatsimeersuarami ukioq naatsorsuiffiusoq 2024 naggasiinnanngilaa, aammali Janne Moltke-Lethip nunatsinni suliffeqarfiit annersaanni siulersuisunut ilaajunnaarniarluni aalajangerfigaa. Nammineq kissaatigisaminik siulersuisuniit tunuarumavoq.

”Royal Greenlandip siulersuisuini ilaasortaasimanera assorsuaq nuannerpoq assullu ataqqinaataalluni. Suliffeqarfiup ilorraap tungaanut ingerlalernera qularutiginngilara, taamaattumillu toqqissisimallunga tunuarpunga, Janne Moltke-Leth oqarpoq.

Janne Moltke-Leth Bruun Rasmussenimi pisortaaneruvoq Københavnimilu mittarfimmi unammilleqatigiinnermi pisortaasimalluni kiisalu Sydbank A/S-imi aamma Duni AB-mi siulersuisuni ilaasortaasimalluni.

Maj 2024-miilli Royal Greenlandip siulersuisuini ilaasortaasimavoq. Ukioq allanngorarfioqisoq, aalajangigassanik annertuunik aalajangiiffiusariaqarsimasoq, suliffeqarfimmilu annertuunik allannguiffiusariaqarsimasoq, ilaatigut aqutsisutut atuuffillit Nuummi ataatsimoortinneqarnissaannik pingaarnertullu niuerfinnik pingaarnertullu tunisassianik pingaartitsiffiulluni ingerlatsisoqalerfiusoq.

”Jannep tunniusimalluni Royal Greenlandimi sulisimaneranut qutsavigiumavara. Piffissami allanngorarfioqisumi nunatsinni suliffeqarfiit annersaasa siunissaata nukittuujunissaa nunatsinni innuttaanilu aallaaveqarluinnarnissaa suleqataaffigisimavaa, siulersuisunut siulittaasoq, Maliina Abelsen oqarpoq.

 

Paasissutissanik sukumiinerusumik pissarsiniarnermi attavissaq

Merete Lindstrøm, suliffeqarfissuarmi attaveqaqatigiinnermi ingerlatsisoq
oqarasuaat: +299 281820
E-mail: meli@royalgreenland.com