Nerisassat tutsuiginartut

Atuisut nerisasanik mamarluinnartunik mamassusilinnik, inuussutissatigut naleqarluartunik aamma nunarsuatsinnut pitsaasumik sunniuteqartunik ujartuipput.

"Nerisassat tutsuiginartut nerisannut ajunngitsumik periaaseqarnermut tunngapput, tassani atuisut nioqqutinik originalinik aamma tutsuiginartunik tupaallannartortaqanngitsunik kissaateqarput - soorunami mamarluartunik."
- Jan Zoutenbier, Royal Greenland igaffimmi pisortaq.

Ileqqut malinnerisigut nerisassat akussaat eqqarsaatigilluarlugu toqqarneqassapput - meqqit pitsaasut assigiinngitsunik imalinnik akuutissartaqanngitsut aamma nioqqutissat ammasuunermik pingaartitsisut.

Qeqqussat = Superfood

Qeqqussat massakkut nerisassani superf
ood-itut pitsaassuseqarlutik siuariaqqapput; inuussutissartaqarluarpoq, siammasippoq piujuartinneqarsinnaallunilu.

"2023-p ingerlanerani neriniartarfinni nerisassani aamma pisiniarfinni ilisivinni qeqqussat takussaanerunissaat naatsorsuutigiuk. 
Siunnersuutigaarput, pestoni qeqqussat atussagitit, seernartulerlugit imaluunniit panertillugit nakkalataangassaliaralugit, nerisassiannut mamarsaataasinnaasutut."- Jan Zoutenbier, Royal Greenland igaffimmi pisortaq.

SustEATable

Silap pissusaa eqqarsaatigalugu (aap, nalunngilluinnarparput, ileqqoq taanna nutaajunngitsoq), tassa piujuartitsineq 2023-mi nerisassani ileqquni nutaani allattorsimaffimmut ilannguteqqilerpoq. Massakkullu annerusumik ukkatarineqarpoq, nerisassat nunarsuatsinnut pitsaasuunginnassanngitsut kisianni aamma timinitsinnut. Nerisassat eqqarsaatigeqqikkit, neqi qitiutinneqarsimasoq, aamma allanit proteinit (aamma piujuartitsisut) ukkatarikkit:

"Tamarmik flexitariupput (sapaatip akunneranut arlaleriarlutik neqitortanngitsut) - timimut pitsaasuuvoq aamma nunarsuatsinnut" oqariartuutaavoq, ulluni taakkunani atuisut amerlasuut kinaassutsimik ilisarsiffigisaat. Piujuartitsineq pillugu attaveqatigiinnermi ineriartornerup takunissaa naatsorsuutigineqassaaq - apeqqutaatinnagu Marine Stewardship Council-imit akuersissutit ersarissarneqarnersut imaluunniit nioqqusiornermi ammasumik attaveqatigiinneq pillugu, avatangiisinut sunniutai minnerutinniarlugit iliuuseqarnermik takutitsinermik kissaateqartut ilisarnaatini ersarissumik qaffariarnerup takunissaa naatsorsuutigaarput. 
- Pernille Jacobsen, Royal Greenlandimi nerisassanik misissuisartoq.

Qangatut asanninneq

Ilimagilluinnakatsitut, covid-ip allallu pisut kingornatigut siunissaq qaamanerulerpoq, Europamilu akit qaffapput sorsuttoqalerlunilu.
Piffissat nalorninartut aammaartumik ulluinnarmut ilannguteqqipput, piffissallu nalorninartut nerisassanik qangatoortunik piumasaqaatitaqarput.

"Qangatut asanninneq" eqqaakulunnermik pingaartitsinermut aamma angerlarsimaffippalaartumik, kikkut tamarmik mamarisaannik iluarusunnartunik nerisassiornermut tunngavoq. Ileqqunik nutaarsiassanut naleqquttunngortitsisut taakkuupput nerisassanit peqqinnartuneersut. Misiligut nerisassiorlutit proteinit naasuneersut neqimut taarsiullugit mamarineqarluartut nutarsarniarlugit imaluunniit nerisassiattaakkua takeawayitut ajornaatsunut ilaqutariinnut tamanut katersuussisussanngorlugit neqeroorutiginiarlugit. Ukiuni tulliuttuni Tik Tok-imi imaluunniit Instagramimi #vintagefood imaluunniit #vintagerecipes malinnaaffigissavatit." - Jan Zoutenbier, Royal Greenland igaffimmi pisortaq.

Najukkami nerisassatut misigisassat

Atuisut nunani allani iggavinni isumassarsiukkajuttarput, kisianni ukiormanna mamassutsinik ujaasisoqarpoq ungasissumukanngikkaluarluni.
Akuutissanik aamma mamassutsinik akuleriinnik nutaanik nunarsuarmi iggavinni isumassarsiortarput, angerlarsimaffimminni najukkami akuutissat atorlugit nerisassiornissaminnut.

"Nerisassiornissamut isumassarsiit afrikami iggavinni assigiinngitsuni misissuillutit ass. tunesiami imaluunniit nigeriami, imaluunniit srilankami iggavimmi isumassarsiorit, akuutissat soorlu spidskommen, kardemomme aamma kanel atorneqarluarfiini. Imaluunniit cubamiut iggaviini, aalisakkat qaleruallillu pingaarnertut nerisassani, najukkami naatitat sorlanillu nerisassat atorneqarluarfiini paasisassarsiorit. - Pernille Jacobsen, Royal Greenlandimi nerisassanik misissuisartoq.

Uummatit kaattut

Ileqqoq 2023-mi siuariartoq, timinnuinnaanngitsoq kisianni aamma uummatinnut kaatsitsisinnaasoq.
Ileqqoq Uummatit kaattut ulluinnarni iluarusunnermut tunngavoq, aamma asasat najorlugit immikkuullarissumik nerilluataarnissamut tunngavoq.

"Ileqqoq taanna atuisunut misigisassanik ikinngutinut aamma ilaquttanut nerisaminnik avitseqatiginnissinnaanissamut ujartuisunut tunngavoq, taamaattumik Instagram eqqarsaatigineqassaaq, nuannisarneq eqqarsaatigineqassaaq aamma ilorrisimaarneq eqqarsaatigineqassaaq."
- Jan Zoutenbier, Royal Greenland igaffimmi pisortaq.

Ileqqoq atorluarlugu immikkoortitikkat ilorrisimanartut sassaalliutissanniissinnaasut toqqarneqassapput ass. qalerualinnik napasuliat, saqqummiinermilu immikkuullarissuutitsinissaq qulakkeerneqassaaq!