Royal Greenlandip Casper Villadsen-i aningaasaqarnermut pisortatut toqqarpaa. Taanna siornatigut aningaasaqarnermut pisortap tullersortitut atorfeqarsimavoq, aammalu aningaasaqarnermut pisortaasimasoq Jan Lynge augustimi tunuareermat aningaasaqarnermut pisortatut utaqqiisaasumik paarlattaangallarsimalluni. Casper Villadsen aamma suliffeqarfiup Qullersaqarfiup aqutsisoqatigiivinut (EMT) ilaasortanngussaaq.

Toqqaanermullu atatillugu paarlattaasimanermini suliaasa inerneri, siullertigut Royal Greenlandimi atorfeqarsimanera, aammalu avataaniik suliffeqarfimmiit qaffasissumik naliliineq suliarisimasoq aallaavigalugit aalajangerneq pisimavoq. Tamatumuunalu taakku naliliinerit uppernarsarpaat, Casper Royal Greenland-imi aningaasaqarnermut suliaqarfinnut tulluuttuusoq. 

“Casper aningaasaqarnermut pisortap tullersortaatut pitsaasumik suliaqarsimavoq, aammalu augustimiilli takutereerpaa aningaasaqarnermut pisortatut akisussaaffimmik tigusisinnaalluni. Suliffeqarfitta ingerlanneranik ilisimasaqarluarpoq, inuit ataatsimoortissinnaavai aammalu Royal Greenlandimut anguniagaqarnerput peqataaffigalugu. Taamaattumik EMT-mi ilaasortanit allanit tamakkiisumik tapersersorneqarpoq,” Toke Binzeri Royal Greenlandimi pisortaaneq taama oqaaseqarpoq. 

Aningaasaqarnermi ineriartortitsineq suli qitiutinneqassaaq

Aningaasaqarnermut pisortartut Casper Villadsen-i tamakkiisumik Royal Greenlandimi aningaasaqarnermut immikkoortortaqarfimmi akisussaaffik tigussavaa. 

Suliniutit pingaarnerit ilagaat Royal Greelandip aningaasaqarnerata iluarsaanneqarnissaanik, aningaasartuutitigut sunniuteqarluarneq aamma aningaasaqarnikkut angusaqarluarneq. 

Peqatigisaannillu aningaasaqarnermut immikkoortortami suleqatigiiinneq nukittorsassavaa, kiisalu niuerfiit aamma suliffeqarfiup ingerlatsiviisa akornganni aningaasaqarnikkut suliaqarnermi ataqatigiinneq annertunerulersillugu. 

Aningaasaqarnermut pisortatut Casper Royal Greenlandip ingerlatseqatigiiffiup qullersaqarfianut (EMT-imut) ilanngutissaaq. Inatsisit malillugit pisortaanerut tassaapput Pisortaaneq Toke Binzeri aammalu Sulisoqarnermut aammalu Attaveqaqatigiinnermut pisortaq Bodil Marie Damgaard.