Pingasunngormat Ataqqinartorsuup kunngi Frederik Nuummi sivikitsumik tikeraarnermini Royal Greenlandip tunisassiorfia pulaarpaa. Tassani kunngip aalisarnerup Kalaallit Nunaannut qanoq pingaaruteqartiginera qanimut paasisaqarfigaa – kisitsisiinnatiguunngitsoq, suliffittut, aammalu ulluinnarni ilaqutariinnut amerlasuunut inuuniutissatut pingaaruteqarluinnartumik isigineqarneranik.  

Royal Greenlandip Nuummi tunisassiorfiani sulisut kunngimut takutippaat aalisakkat qanoq suliarineqartartut, aamma suliamik ilisimasaqarneq misilittagaqarnerlu pitsaassutsimut qanoq qulakkeerutaasarnersut – aalisakkap tulaanneqarneraniit nunanut allanut nassiunneqarneranut. 
Ulluinnarni inuuniummik pingaarutilimmik suliaqartartut naapisimaarneqarput. 
  
“Ataqqinartorsuaq Royal Greenland-imut tikilluaqqullugu ataqqinangaarpoq. Aalisarneq nunami maani inuiaqatigiinnilu tamani aningaasarsiornermut tunngaviuvoq. Taamaattumik pingaartorujussuuvoq Ataqqinartorsuup Royal Greenlandip suliai pillugit tusarnaarmat sulisuvullu – ullut tamaasa pisuussutinik Kalaallit Nunaannut naleqarnerulersitsisartut – naapigiarlugit piffissaqarfigimmagit”, Royal Greenland-mi pisortaaneq, Toke Binzer-i taama oqaaseqarpoq, Toke Binzer-i, Sulisoqarnermut & Attaveqaqatigiinnermullu pisortaq, Bodil Marie Damgaard-i peqatigalungu Kunngimut tikilluaqqusisuupput.